Isa 8 | JAE | STEP | Go Apômtau kêsôm gêdêŋ aê gebe “Ôkôc poc tapa kapôêŋ teŋ ma oto êsêp êtôm taŋ teto sêmoa naŋ gebe ‘Maher-salal-has-bas.’” ’ *

Isaiah 8

Propete latu nê ŋae

1 Go Apômtau kêsôm gêdêŋ aê gebe “Ôkôc poc tapa kapôêŋ teŋ ma oto êsêp êtôm taŋ teto sêmoa naŋ gebe ‘Maher-salal-has-bas.’” ’ * 2 Ma kakôc dabuŋwaga Uria agêc Jeberekia nê latu Sakaria mêŋsêwiŋ gebe sêlic biŋ tau sêwiŋ. 3 Gêdêŋ tonaŋ aê gadêŋ propeteo gaja ma eŋ taê e kêkôc latu teŋ. Tec Anôtô kêsôm gêdêŋ aê gebe “Wê ênê ŋaê gebe Maher-salal-has-bas, 4 gebe ŋapalê tau êsôm Mamac me Nenec atomgeŋ, ma kiŋ Asuriaŋa oc êjaŋgo Damaskunêŋ gêlôŋ to Samarianêŋ awamata su aŋga êsêacnêŋ.”

5 Apômtau kêsôm gêdêŋ aê kêtiam gebe

6 “Lau tonec sedec bu Siloa,
taŋ keseleŋ ŋaŋêŋ laŋgwageŋ naŋ,
ma têtêc tauŋ kêtu Resin agêc Remalianê latuŋa
e têtu tonaŋŋa Apômtau gêgôm bu * 7 Kêtu tonaŋŋa Apômtau gêgôm bu * gêc kapôêŋ
ma keseleŋ toŋaclaigeŋ,
ma oc êsuŋ e ênam ŋasêli auc
to ênsalê ŋatali auc.
Kiŋ Asuriaŋa to nê ŋawasi kêtôm bu tau tonaŋ.
8 O Imanuel, bu tau oc êc êsa Juda
e ênsalê gamêŋ tau auc ma êsuŋ ênam aucgeŋ êpi e êndêŋ nêm koclabeŋ,
ma bu ŋamagê oc ênam nêm gamêŋ aucgeŋ êna.”
9 O lau tomôkê-tomôkê, ajala biŋ tau ma atakêmaŋ.
O amac lau gamêŋ jaêcŋaac, akêŋ taŋemmaŋ.
Aŋgambam taôm ma atakêmaŋ.
Aŋgambam taôm ma atakêmaŋ.
10 Amansaŋ biŋ awiŋ taôm,
mago ŋanô masi.
Anam biŋgalôm awiŋ taôm,
mago biŋ tau êtu tôŋ atom, gebe Anôtô mêŋgêwiŋ aêac.

Atêc Apômtau taugeŋ

11 Apômtaunê lêma ŋajaŋa kêkôc aê tôŋ ma eŋ gêjac biŋsu aê, gebe jasa lau tonec nêŋ lêŋ atom, ma kêsôm gebe 12 “Biŋ samob, taŋ lau tonec sêsam gebe poac sêkic biŋŋa naŋ, asam gebe poac sêkic biŋŋa atom, ma gêŋ, taŋ êsêac têtêc naŋ, amac atêc atom ma atakê atom. 13 Atoc lausiŋ undambêŋa nêŋ Apômtau taugeŋ sa, gebe eŋ ŋac dabuŋ. Atêc eŋ taugeŋ ma atakê êtu eŋ taugeŋŋa. 14 Gebe eŋ oc êtu gamêŋ dabuŋ lau sê lamuŋa teŋ êndêŋ Israel nêŋ toŋ lulugeŋ, mago êtu poc sêndiŋ eŋkaiŋŋa to poctêna têntac êmbôli aucŋa ma êtu sa to lakô êndêŋ lau Jerusalem amboac tonaŋgeŋ. 15 Êsêacnêŋ taêsam oc sêndiŋ eŋkaiŋ êpi poc tau ma sênac tauŋ êndu e ôliŋ popoc ma lakô tau oc ênac êsêac e ênsô êsêac tôŋ.”

16 Jakic ŋoc biŋ gaoc lasêŋa tôŋ
ma japac biŋ, taŋ kadôŋ naŋ, ŋa peŋ ŋajaŋa êsa
ênêc ŋoc ŋacseŋominêŋ ŋalêlôm.
17 Aê oc jansaê Apômtau, taŋ kêsiŋ laŋôanô gêdêŋ gôlôac Jakob naŋ,
ma jakêŋ matoc eŋgeŋ.
18 Alicgac me, lau siŋ undambêŋa nêŋ Apômtau,
naŋ gêŋgôŋ lôc Sion naŋ,
kêkêŋ aê to ŋoc ŋapalê, taŋ Apômtau kêkêŋ gêdêŋ aê naŋ,
atu gêŋtalô to puc gêdêŋ lau Israel.
19 Lau embe sêsôm êndêŋ amac gebe
“Awem ênac lau toŋalau geoc biŋ lasêŋa
ma mectomaŋwaga, taŋ sêsôm biŋ kesec-kesec ma ole-ole naŋ,”
go asôm gebe “Aêac aweŋ ênac nêŋ Apômtau atom
ma tateŋ ŋacmatê êtu sênam lau mateŋ jali saŋa me.”
20 Êsêac * embe sêsôm gebe
“Dandêŋ biŋ, taŋ kêdôŋ to geoc lasê naŋ tana, nec atom,”
oc sêlic gêu bôŋ atom biŋŋanôgeŋ.
21 Êsêac oc sêlênsa êtôm gamêŋgeŋ
tonêŋ ŋalêlôm ŋawapac ma mo êjô êsêac.
Ma embe sêôc tôbôm, oc têntac êmbôli auc
ma sêpuc boa nêŋ kiŋ to nêŋ Anôtô.
Êsêac oc sêôc mateŋanô sa êpi undambê
22 Mago êsêac, taŋ sêmoa totêtêc tauŋboa naŋ, oc sêŋgôŋ tokesec êtiam atom. Gêmuŋgeŋ eŋ gêbu gamêŋ Sebulon to Naptali, mago êtu ŋamu eŋ oc êŋgôm lau samuc nêŋ Galilaia, naŋ gêc bugêjactoŋ ŋalêndaŋ aŋga bu Jordan ŋamakeŋ ônêŋa naŋ, êtu gamêŋ towae. ^{▼▼ Maher-salal-has-bas ŋam gebe Kêjaŋgowaga têdabiŋ gebe} sêkac waba su sep tageŋ. ^{▼▼ Bu tau bu Euprat, taŋ kêpoac Asurianêŋ gamêŋ naŋ.}